USIKU ambao Arsenal walitangazwa mabingwa wa Ligi Kuu England (EPL), baada ya kusubiri kwa muda kwa miaka 22, dunia nzima ya soka iligeuka kuwa jukwaa la shangwe, hisia na pongezi kutoka kwa mastaa mbalimbali.

Mitandao ya kijamii ilifurika ujumbe wa furaha kutoka kwa wanamuziki, waigizaji, wanasiasa na wanamichezo waliokuwa wakisubiri kuona klabu hiyo ikirejea kileleni katika soka la England. 

Mashabiki wa Arsenal kutoka mataifa mbalimbali walikesha wakisherehekea huku wachezaji nyota maarufu wakionesha wazi namna ushindi huo ulivyowagusa mioyoni mwao.

Miongoni mwa waliovutia zaidi alikuwa mwigizaji maarufu wa Hollywood, Hugh Laurie ambaye ni shabiki mkubwa wa Arsenal kwa miaka mingi. 

Kupitia ukurasa wake wa kijamii alisema alikuwa amesubiri muda mrefu sana kuona siku hiyo ikifika na akaeleza jinsi ushindi huo ulivyomrudishia furaha ya zamani ya klabu hiyo. 

Kauli yake ilisambaa haraka na kupokelewa kwa maelfu ya mashabiki waliokuwa wakishangilia pamoja naye.

Waziri Mkuu wa England, Keir Starmer pia hakuweza kuficha hisia zake baada ya Arsenal kutwaa ubingwa huo. 

Alisema ushindi huo umeonesha uvumilivu, nidhamu na imani kubwa ya timu hiyo chini ya kocha wake. 

Starmer alisisitiza Arsenal wameonesha mfano wa kutokata tamaa licha ya changamoto walizopitia kwa miaka mingi.

Embiid ambaye mara kadhaa ameonekana akifuatilia michezo ya Arsenal alisema ushindi huo ulikuwa maalum kwa mashabiki wote waliobaki waaminifu kipindi kigumu. Ujumbe wake ulivuta hisia za mashabiki wengi wa michezo duniani.

Wachezaji wa zamani wa Arsenal nao walijaa furaha kubwa baada ya kuona timu yao ya zamani ikirejea kileleni. 

Aaron Ramsey alisema ushindi huo ni mwanzo wa enzi mpya ndani ya klabu hiyo. 

Mohamed Elneny naye aliandika ujumbe wa kuwatakia mafanikio zaidi wachezaji wa sasa huku akiwapongeza kwa kupambana hadi dakika ya mwisho ya msimu.

Martin Keown ambaye aliwahi kuwa sehemu ya kikosi cha “Invincibles” alisema mafanikio hayo yameonyesha kuwa Arsenal sasa wamejenga timu yenye ushindani mkubwa barani Ulaya. Keown alimsifu kocha Mikel Arteta kwa kazi kubwa ya kuwarudisha mashabiki kwenye furaha baada ya miaka mingi ya kusubiri mafanikio makubwa.

Mitandao ya kijamii ilitawaliwa na video za mashabiki mashuhuri wakishangilia ushindi huo. Wengine walionekana wakilia kwa furaha huku wengine wakifanya sherehe kubwa katika majiji mbalimbali duniani. London, Lagos, Nairobi, New York na Dubai zilikuwa miongoni mwa maeneo yaliyokuwa na shamrashamra kubwa kutoka kwa mashabiki wa Arsenal.

Mastaa wa zamani wa Premier League kama Thierry Henry na Ian Wright walionekana wenye furaha kupita kawaida. 

Henry alisema kuona Arsenal wakitwaa ubingwa tena ni kama ndoto iliyotimia kwa mashabiki waliokuwa wamevumilia kipindi kigumu kwa miaka mingi. 

Ian Wright naye aliwashukuru mashabiki kwa kuendelea kuiunga mkono timu hata walipopitia nyakati ngumu.

Katika majukwaa ya kidijitali, hashtag zinazohusiana na Arsenal ziliongoza duniani kwa saa nyingi baada ya ubingwa huo kuthibitishwa. Mashabiki mashuhuri walitumia nafasi hiyo kupakia picha, video na kumbukumbu mbalimbali za safari ya timu hiyo kuelekea kwenye ubingwa.

Mastaa wa Afrika pia hawakubaki nyuma katika kusherehekea mafanikio hayo. Wachezaji wa zamani wa Afrika waliowahi kucheza England waliipongeza Arsenal kwa kuonyesha kandanda safi na la kuvutia. Wengi wao walimpongeza Bukayo Saka kwa kiwango chake bora kilichosaidia timu kufikia mafanikio hayo.

Vyombo vikubwa vya habari duniani vilitoa nafasi maalum kuelezea namna mastaa mbalimbali walivyopokea ushindi huo. 

Picha za watu maarufu waliovaa jezi za Arsenal zilienea sana huku wengi wakionyesha hisia za furaha na matumaini ya kuona timu ikiendelea kutawala miaka ijayo.

Wapo mastaa walioeleza kuwa mafanikio hayo yanaonyesha umuhimu wa uvumilivu katika michezo. Walieleza kuwa Arsenal walikumbana na vipindi vigumu lakini hawakukata tamaa, jambo ambalo sasa limezaa matunda makubwa kwa klabu na mashabiki wake.

Baadhi ya mastaa wa muziki walitumia majukwaa yao kufanya sherehe maalum za ushindi. Nyimbo za Arsenal zilisikika kwenye vilabu mbalimbali vya usiku huku mashabiki wakicheza na kuimba kwa furaha hadi alfajiri katika nchi tofauti duniani.

Mastaa wa soka kutoka klabu pinzani pia waliwapongeza Arsenal kwa mafanikio hayo. Wengi wao walikiri kuwa timu hiyo ilistahili ubingwa kutokana na kiwango walichoonyesha msimu mzima. Heshima hiyo kutoka kwa wapinzani ilionyesha namna Arsenal walivyowavutia watu wengi kwa kandanda lao.

Kocha Mikel Arteta alisifiwa sana na watu mashuhuri duniani kwa uwezo wake wa kuijenga upya Arsenal. Mastaa wengi walieleza kuwa Arteta ameleta imani mpya ndani ya klabu na kuwafanya mashabiki kuamini tena katika uwezo wa timu yao kushindania mataji makubwa.

Ushindi wa Arsenal haukuwa tu furaha kwa mashabiki wa kawaida bali pia uliunganisha mastaa mbalimbali duniani waliokuwa na mapenzi ya dhati kwa klabu hiyo. Kutoka kwa waigizaji, wanamuziki, wanasiasa hadi wanamichezo, wote walionyesha kwa namna tofauti jinsi ubingwa huo ulivyokuwa wa kihistoria na wenye hisia kubwa kwao pamoja na mashabiki wa Arsenal duniani kote.

CHANZO: Magazeti ya Ulaya